Mai rā anō kua tuhituhi rātaka te tangata kua tuhituhia hoki he kōrero mō ngā mahi, ngā kaupapa, ngā moemoeā, ngā whakaaro me ngā rongonga. Nōnāia tata tonu nei i mōhiotia ai te kaha o tēnei taputapu hei pare atu i ngā momo mahara mamae. He nui ngā tangata e mahi pēnei ahakoa ō rātou whakaaro.

He tāu noa he tiki pepa, pene rākau, pene rānei, ka tīmata ai ki te tuhituhi. Tuhia ahakoa te aha, tuhia ahakoa ō whakaaro. Ehara i te mea me mārama rawa. Ehara i te mea me pono. Ehara i te mea me whakangahau. E pai ana te hoki atu hoki atu. He ahakoa rā i tuhituhia ai māu anake. Nāu motuhake.

Kaua noa koe e māharahara mō te tohu ā-tuhi, ki te whakatakoto tika rānei o te kōrero, ki te tuhi tika rānei i te kupu, te pene tau, te tuhi ātaahua rānei, te tuhi hāngai rānei ki te rārangi. Ka taea te tuhituhi karakara noa ki te whārangi katoa mēnā ka pai kē atu tō āhua i tēnā. Kaua e whakatikatika i ō hē. Me tuhi noa. Tuhia ka whakarapa pikitia rānei kupu rānei ki tō pukapuka mēnā hiahia koe. Tuhituhi noatia. Ahakoa te aha.

Ko te nuinga o ngā tāngata kei te pupuri muna i ā rātou tuhinga ake. Kia kaua te matatapu o te rātaka e pokaina e wai ake. Kāre he here whakaatu ai koe i ō tuhituhi ki te tangata otirā kei a koe te tikanga. Tuhia mai he tohutohu ki mua tonu o tō pukapuka e kī ana "He matatapu ēnei kōrero. Māku rā anō e whakaae atu ka pānuihia. Kia ora!". Ki ētahi tāngata he āwhina, he pai hoki te tohatoha tuhituhi ki te whānau, ki ngā hoa rānei, ki ngā kaimahi hauora rānei. Kei te tangata anō mō tēnei tikanga.

He mea nui te whakarite wā ia rā ki te tuhituhi pukapuka. Ka mahi mōatatia pea i te atatū i te pō rānei i mua i te moe. Kei a koe mō te hia roa koe e tuhituhi ai. He pai ki ētahi tāngata te whakarite taima. Ka taea e koe te tuhituhi i tō pukapuka ahakoa te wā - ia rā, ia wāhanga o te rā, ia wiki, i mua i te moe, i tō ohonga ake, i muri i te hapa, kei tō hiahia anō rā--kei a koe te tikanga. Ehara i te mea me tuhituhi pukapuka rawa koe mō ake tonu atu - me mahi ki tāu e hiahia ai.

Kei a koe mō te tere o tō tuhituhi, he tino tere rānei, he tino pōturi rānei. Ka taea e koe te tuhituhi inā noa te nui inā noa rānei te iti. Ka taea e koe te tuhituhi rotarota, whiti, tuhinga poto, pukapuka, pukapuka iti, he pakiwaitara, kōrero tūturu rānei, tuhinga mōu ake, tuhinga mō tētahi atu, hiahiatanga, wawata, moemoeā, whakapono, aroha, kino,aha atu. Ka rite tonu ia wā ka tino rerekē rānei.

Rapua he wāhi huna haumaru mō tō pukapuka, pēnei i tō toroa kākahu, ki runga rānei i tētahi whata teitei. Te tikanga ka aronui ētahi atu e noho ana i tō kāinga kia noho matatapu tonu tō pukapuka.

Mēnā e uaua ana te tīmata ki te tuhi pukapuka, whakautua mai ētahi o ngā pātai e whai ake nei:

• Mēnā kei au te tikanga mō taku oranga, me pēhea kē rā te āhua?
• He aha ōku mea E PAI ANA KI AHAU?
• He aha kei te pai ki ahau i tēnei ra?
• He aha i pōuri ai ahau i tēnei rā?
• He aha te whakakoa me te whakahari i ahau i tēnei rā.?
• He aha ngā pōraru i taku oranga?
• He aha te mea whakakoa i ahau? Ko wai aku tino hoa?
• Tuhia he reta ki tētahi tangata e hiahia ana koe ki te whakahē me tō mōhio ehara i te mea pai hei mahi, ka tuhi rānei ki tētahi tangata kāore i te wātea.
• Tuhia he reta ki a koe ake anō nei ko koe tonu tō tino hoa. Whakarārangitia mai ngā mea tino pai i tēnei rā (marama, tau, tō oranga).
• Ko te mea pai rawa atu i pā mai ki au ko:
• Ko te mea tino kino rawa atu i pā mai ki au ko:
• Kei te hiahia noho ora tonu au nā te mea: