Kainga / Haere MaiMo te KaupapaMo te KaituhiHononga / KaitautokoWhakapa Mai
   
         
   
Te Puakitanga
Te Whakaaturanga Whanui
Ma Wai Tenei Mahere?
Hei Timatatanga
UPOKO  1
UPOKO  2
UPOKO  3
UPOKO  4
UPOKO  5
UPOKO  6
UPOKO  7
UPOKO  8
Nga Tohutohu KimiTautoko
Te Tohutohu Hoa
Nga Mahinga Arotahi
Nga Mahinga Whakanga
Waihanga, Ngahau, Mahinga Whakatau
Ate Tuhituhi Pukapuka
Whakarongo Waiata
Te Kai Ora
Te Korikori
Te Ao Marama
Te Moe Pai
 
 

 
  Download PDF

Note: The original WRAP Booklet included Post Crisis Plan and Timetable for Resuming Responsibilities Forms on this page for you to complete. This is now only available by downloading the PDF version by clicking the banner to the right

He rerekē te Mahere Whaimuri i te Mōrearea i tō Mahere Whakatika Oranga nā te mea kei te hurihuri tonu i a koe e whakaora ana. Ko te tūmanako ka tino pai ake tō āhua i roto i ngā wiki e rua i muri mai i tō mōreareatanga, tēnā i tō ahua i muri mai i te kotahi wiki, nā reira ka rerekē āu mahi o ia rā. E puta nei koe i te mōreareatanga tērā ka hoki anō koe ki te whakamahi i tō Mahere Tiaki o Ia Rā me ērā atu wāhi o tō Mahere Whakatika Oranga.

Ko te take o te āpitihanga whiringa hou, Mahere Whaimuri i te Mōrearea ki te Mahere Whakatika Oranga, i whakaatuna mai e Richard Hart, he Kaiāwhina Whakatika Oranga Hinengaro ia nō West Virginia.

I ngā tau tōmuri o 1980 i mau hohipera tonutia au mō te mate pōuri, me te mate whakaaro wairangi. He āhua whaihua aua hohiperatanga. Hei wā whakangā hoki mō mātou ko taku whānau i a mātou anō. I whiwhi āwhina au i aku hoa. I tūtaki pai au ki ētahi taputapu whakaoranga ahakoa ehara tēnei i te ingoa i taua wā, ngā mea pērā ia te whakaheke pōkaikaha me te whakangā me te mahi tuhi pukapuka. I whakataungia taku wairua mā te whāngai mai i tētahi rerenga rongoā.

Otirā i taku taenga atu i te hohipera ki te kāinga ka ngaro katoa ngā painga i riro mai i au. E rua aku hokinga ki te hohipera i roto i te rua rā o taku putanga. He aha ai? I taku taenga ki te kāinga ka whakaaro taku whānau me aku hoa kei te ora pai au. I tukuna au ki taku whare noho ki reira noho mokemoke ai i roto i aua haora tuatahi rā. I tētahi wā i whakaae tonu tētahi hoa ki te peka mai ka mutu kāore i peka mai nā te pōhēhē e moe kē ana au. Kāore hoki aku kai. Kāore i tahitahi paitia te whare he paruparu kūwawa hoki. Ka pokea katoa taku wairua. I tua atu i tēnei, tērā te pānui waiho mai e taku pahi, me hoki au ki te mahi mārika i roto i ngā rā tata nei.

Ahakoa pēhea tō whakaputa i a koe i te mōrearea, mā te hohipera, mā te whakangā, mā te hāpori, mā te noho kāinga rānei, tērā pea ka paku hoki whakamuri tō oranga i muri mai i te mōreareatanga, whāia te āta whakaaro kia puta atu i tēnei wāhi mōrearea. Kua tau kē aku whakaaro ahakoa te aha he roa tonu kātahi anō te tangata ka puta pai mai i taua mōreareatanga pēnei i te mate nui, poka nui rānei o te tinana. Me whiwhi tonu tātou i te āwhina me te tautoko ā, heke noa heke noa, ora noa mai te tangata. Kāore e kore mā te āta mahere hei whakatau i te wā taumaha e ora ake ai, e piki ai tō ora.

Pēnā i ngā wāhanga o te Mahi Whakatika Oranga, kei a koe te tikanga waihanga Mahere Whaimuri i te Mōrearea. Mēnā ka tau ō whakaaro ki te hanga Mahere Whaimuri i te Mōrearea kei a koe mō āwhea mahia ai. Pērā i te mahere katoa ko te wā tino pai hei mahi i tō Mahere Whaimuri i te Mōrearea ko te wā e tino ora ana koe. Otirā tērā anō ētahi pātai e kore e taea te whakatau kia mutu rawa te mōrearea e ora ake ana koe - arā, ko wai hei mihi atu, ko ēhea kaupapa moni hei whakataunga.

Mēnā ka tau koe ki rō hohipera ā, kāore ō Mahere Whaimuri i te Mōrearea tērā pea ka hiahia mahi koe i tētahi koutou ko ō kaitautoko hauora, ko koe anake rānei i mua mai i tō putanga - he momo mahere tino tuku. I a koe i te hohipera ka taea pea e koe te tono ki āu kaitautoko kia whakamāramatia mai ētahi tikanga tuku ā, he aha te otinga tikanga o te Mahere Mōrearea Otinga mēna i mahia ki a koe.

Tērā pea ka whakaaro koe ki te mahi i tō mahere i a koe e mahi tahi ana me tētahi rōpū me tō kaitohutohu rānei. Ka taea pea te mahi tahi me tētahi whanaunga tata, hoa tata rānei. Ka taea e ētahi te hoatu whakaaro hoatu tohutohu rānei ki te hiahiatia e koe. Otirā ka noho tonu te kupu whakamutunga ki a koe. Māu tonu pea e mahi. Kei a koe anō te tikanga mēnā ka hiahia koe ki te whakaatu atu i tō Mahere Whaimuri i te Mōrearea ki te tangata noa. He pai tonu pea kia whakaaturia e koe tō mahere ki ngā tāngata i tohua hei manaaki i a koe hei tautoko i a koe e ora ake nā.

Tērā pea ka taea e koe te noho noa i tētahi ahiahi i tō kāinga whakaahua ai i tō mahere ā, mutu noa. Tērā rānei ka āta haere pea koe, he paku i tēnei rā he paku anō mō āpōpō.

E whakaahua nā koe i tō Mahere Whaimuri i te Mōrearea ka tahuri pea koe ki te titiro i ō taputapu Oranga me ō rārangi mō tō āhuatanga i a koe e ora ana, i tō Mahere Tiaki o Ia Rā me ngā rārangi mahi māu. Tērā anō pea ka hiahia hoki koe ki tō Mahere Mōrearea ka whakatika ana mō te hoki ki ō mahi, me te pīkau anō i ō kawenga.

Ko ngā pepa hei hanga i te Mahere Whaimuri i te Mōrearea he nui tonu. Pērā i ngā wāhanga katoa o te Mahere Whakatika Oranga ka taea te waiho ngā wāhi pānga kore, hei hoki atu anō ā ōna wā.

Tērā pea koe ka whakamahi i te pepa mahi kei te mutunga o tēnei pepa hei tuhi taima whakaoranga. I te pou tuatahi ka tuhia te mahi me te kawenga e hiahia ana koe te hoki, i te pou tuarua ka whakarārangitia ngā mahi e hoki ai koe, ā, i te pou tuatoru ko te rā ko ngā rā rānei hei whakatutuki i aua mahi nei.

Tērā koe te hiahia whakahou i tō mahere i muri mai i te whakamahinga - he oti ai nā ētahi mea kāore i eke ki tāu i whakaaro ai koia rānei pea kāore i tau pai tō mahere.

Note: The preformatted Post Crisis Plan Form is only available in the PDF version of this page. Please download by following the 'Download PDF' banner near the top of this page


Ko te Wātaka Hei Hiki Anō i Ngā Kawenga

Whakaritea he mahere e hiki anō ai koe i ō kawenga i riro pea mā ētahi atu, ka mahue noa rānei i a koe e pōraru ana, pēnei i te rātoutiaki tamariki, tiaki mōkai, tō mahi, mahi tao kai, me ngā mahi tahitahi whare.

Note: The preformatted Timetable for Resuming Responsibilities Form is only available in the PDF version of this page. Please download by following the 'Download PDF' banner near the top of this page